Ақорда
Жаңа елшілер тағайындалды
«Қазақстанның Словакия, Эстония, Жаңа Зеландия, Камбоджо және Лаостағы елшілері тағайындалды», – деп хабарлайды Мемлекет басшысының баспасөз қызметі.
Астана, NEGE. «Мемлекет басшысы Қасым-Жомарт Тоқаевтың жарлығымен Роман Юрьевич Василенко – Қазақстан Республикасының Словакия Республикасындағы төтенше және өкілетті елшісі боп, Нұрлан Мұсатайұлы Сейтімов – Эстония Республикасындағы төтенше және өкілетті елшісі боп, Сингапур Республикасындағы Қазақстанның төтенше және өкілетті елшісі Әркен Кеңесбекұлы Арыстанов Қазақстан Республикасының Жаңа Зеландиядағы төтенше және өкілетті елшісі қызметін қатар алып жүруге, Вьетнам Социалистік Республикасындағы Қазақстан Республикасының төтенше және өкілетті елшісі Ерлан Сапарұлы Байжанов Қазақстан Республикасының Камбоджо Королдігіндегі, Лаос Халық Республикасындағы Қазақстан Республикасының төтенше және өкілетті елшісі қызметін қатар алып жүруге тағайындалды», – делінген Ақордадан жеткен ақпаратта.
Сондай-ақ, басқа қызметке ауысуына байланысты Роман Юрьевич Василенко ҚР Сыртқы істер министрінің орынбасары қызметінен, Нұрлан Мұсатайұлы Сейтімов Сыртқы істер министрлігінің жауапты хатшысы қызметінен босатылған.