Жаңа амфитеатр ашылады
Елордада биыл жаңа амфитеатр ашылады, деп хабарлайды қаланың урбанистика орталығы.
Нұр-Сұлтан, NEGE. «Биыл қала тұрғындарының өтініші бойынша Президент саябағында жаңа амфитеатр пайда болады. Амфитеатр би қойылымдарын, спектакльдерді, концерттерді және ашық ауада түрлі қалалық іс-шараларды өткізуге арналған алаң болады. Біз каскад саты жүйесін қолданыстағы рельефке біріктіруді және ағын тікелей сахнаға өтетін шатыр құрылымымен жабуды жоспарлап отырмыз. Сахна алаңы көше билерін өткізуге бейімделеді. Бізде би студиялары және Чирлидинг федерациясымен келісім бар, олар би үйірмелері мен жарыстарға арналған алаңды пайдаланады», делінген орталықтың Instagram-дағы парақшасында.
Орталық амфитеатр халықтың эмоциясын және әлеуметтік байланысын толтыратын орынға айналатынына сенімді. Айта кетейік, 20 ақпанда қала әкімі Алтай Көлгінов биыл елордада жұрт қызығарлық жаңа орындар ашылатынын жариялаған еді.
