Жаңа iPhone Duo-ның экраны жарылып жатыр: Apple ақауды мойындады
Apple компаниясының алғашқы бүктелетін iPhone Duo смартфоны сатылымға шыққанына бірнеше күн болмай жатып, сатып алушылар оның экраны жарылып жатқанын айтып шағымдана бастады.
Астана, NEGE. 23 қазанда сатылымға шыққан смартфондардың кейбірі бірнеше сағаттан кейін-ақ істен шыққан. Қолданушылардың айтуынша, телефон экраны бүктелетін тұсынан жарылған. Демалыс күндері әлеуметтік желілерде бүлінген құрылғылардың суреттері мен видеолары тарады.
Bloomberg мәліметінше, мұндай жағдайлар АҚШ пен Үндістанда тіркелген.
Apple кейбір смартфондардың экранында ақау барын растады.
Компания мұндай жағдайлардың сирек кездесетінін айтып, құрылғысы бүлінген тұтынушыларға қолдау қызметіне хабарласуды ұсынды. Ақауы бар телефондар тегін ауыстырылады.
Соған қарамастан, жаңа iPhone-ға сұраныс әлі де жоғары. Apple өкілдері алғашқы сатылымды үлкен жетістік деп бағалады. Компания мәліметінше, сатылымға шығарылған смартфондардың алғашқы легі барлық аймақта таусылған. Келесі ірі жеткізілім 2027 жылдың қаңтарына жоспарланған.