Жаңа дизайндағы 5 000 теңгелік банкноталар айналымға шықты
![Ұлттық банк, банкнота](/static/img/plug.jpg)
Қазақстан Ұлттық Банкі жаңа дизайндағы 5 000 теңгелік банкноталарды 2023 жылы 25 желтоқсанда айналымға шығарды.
Алматы, NEGE. Бұл – «Сақ стилі» жаңа сериясының алғашқы банкнотасы. Ол қазақы ою-өрнектің бастау негізі саналатын және көшпенділердің бірегей мәдениетінен бастап бүгінгі Қазақстанға дейінгі ел мұрасын бейнелейтін «Сақ стилі» элементтеріне негізделген.
ҚҰБ шынайы банкноталарды жалған ақшадан өз бетінше ажыратуға көмектесетін қарапайым ережелер бар екенін еске салады және 2023 жылғы үлгіде шыққан жаңа дизайндағы 5 000 теңгелік банкноталардың қорғаныш элементтерін ұсынады.
Ақша белгісінің қорғаныш элементтері туралы
Банкнотада рельефті қалыптастыратын – алтын интаглио арнайы баспа тәсілі қолданылған. Қазақстан Республикасының елтаңбасы алтын металл бояудың жоғары бедерлі қабатымен басылған.
![Жаңа теңге Жаңа теңге](https://img.nege.kz/nege-photobank/media/2024-01-29/991adf1e-24af-4d18-a8d4-51377ecb2db1.jpeg)
Банкнотаның бет жағындағы шеттерінде шығыңқы, жоғары рельефті элементтер бар, олар қолмен ұстағанда жақсы сезілетін – көру қабілеті нашар адамдарға арналған белгі.
![Ұлттық банк Ұлттық банк](https://img.nege.kz/nege-photobank/media/2024-01-29/3e74e4c2-534b-4f44-99b8-f1a1fa5e5300.jpeg)
Банкнота бетінде үзік-үзік түрінде шығып тұрған екі түсті қорғаныш жіп те бар. Ол жарық түскенде бір тұтас жіп ретінде анық көрінеді. Банкнотаның көлбеу бұрышы өзгерген кезде қызыл және көк түстердің өзара әрекеттесуінен динамикалық лүпілдің әсері пайда болады.
![Жаңа банкнота Жаңа банкнота](https://img.nege.kz/nege-photobank/media/2024-01-29/f58bea4c-9900-46eb-b565-d297d29214e7.jpeg)
Сонымен қатар, банкнотаның бет жағында көлемді стильдендірілген «Бүркіт» бейнесі түріндегі патч қорғаныш элементі орналасқан. Банкнотаны аударған кезде номиналдың цифрлық кескінінен ою-өрнекке ауысу әсері және күн белгісі сәулелерінің жан-жаққа шашыраған динамикалық әсері байқалады.
![Теңге Жаңа банкнота](https://img.nege.kz/nege-photobank/media/2024-01-29/58b09ed3-ecbc-431c-a67b-b551ac51c39e.jpeg)
Жеке көркемдік элементтер банкнотаға алтын түстес жылтырағы бар арнайы – иридисцентті бояу қолданып басылған.
![Теңге Жаңа банкнота](https://img.nege.kz/nege-photobank/media/2024-01-29/84b97d9f-c40e-4ec9-bbf9-c0b887e83179.jpeg)
Локальды су белгісі қорғаныш элементі – электротип. Жарық түскенде номиналдың бейнесінен тұратын электротип белгісі анық көрінеді.
![Ұлттық банк Ұлттық банк, банкнота](https://img.nege.kz/nege-photobank/media/2024-01-29/58d014fe-cb1c-4760-ae6c-34f74161e3c4.jpeg)
Банкнотаның екінші бетінде «Бүркіт» артефактінің көлемді бейнесі түріндегі Спарк элементі орналасқан. Банкнотаның көлбеу бұрышы өзгерген кезде Спарк түсі алтыннан нефрит түсіне өзгереді.
Мұндай тексеру тәсілдері бірнеше секунд уақытты алады және кез келген адамға банкнотаның түпнұсқалығын анықтауға көмектеседі.