Жамбыл облысының әскери бөлімінде жойқын жарылыс болды
Бүгін сағат шамамен 19:00-де Жамбыл облысының Байзақ ауданында орналасқан әскери қоймалардың бірінен өрт шықты, деп хабарлайды Nege.kz сайты ҚР Қорғаныс министрлігіне сілтеме жасап.
Алматы, NEGE. «Өрт салдарынан белгісіз заттың жарылысы орын алды. Өртті сөндіруге бөлімнің шынжыр табанды өрт сөндіру машинасы мен өрт сөндіру командасы жұмылдырылған. Оларға Жамбыл облыстық ТЖД өрт сөндіру бөлімшелерікөмек көрсетуде. Өрт ошағының жою жалғасып жатыр. Өрттің неден шыққаны анықталу үстінде», - делінген министрлік таратқан ақпаратта.
Ведомство мәліметінше, оқиға орнына ҚР Қорғаныс министрінің орынбасары генерал лейтенант Руслан Шпекбаев бастаған Қорғаныс министрлігінің комиссиясы жіберілді.