Жамбыл облысында түлектер отырған кортеж жүргізушілеріне айыппұл салынды
Жамбыл облысында түлектер отырған кортеж жүргізушілеріне айыппұл салынды, - деп хабарлайды Tengrinews.kz.
Тараз, NEGE. Әлеуметтік желілерде автомобиль терезелерінен шығып, көңіл көтерген түлектердің видеосы тарады.
Жамбыл облысының полициясы жағдайға қатысты түсінік берді. Бұл - Тұрар Рысқұлов ауданындағы мектеп түлектерінің кортежі екені белгілі болды.
"Toyota Land Cruiser Prado, Audi 80, BMW 735, VAZ210540 және екі Toyota Самму автокөліктерінің жүргізушілеріне патрульдік полиция қызметкерлері ҚР ӘҚБтК-нің 593-бабы "жолаушылар мен жүктерді тасымалдау талаптарын сақтамау" бойынша әкімшілік жауапқа тартты", - деп хабарлады ПД өкілдері.