«Жамбыл облысында генерал өзіне қол жұмсады»
Журналист Михаил Козачков телеграм-каналында Жамбыл облысы полиция департаментінің бастығы, генерал-майор Жанат Сүлейменовтің өзіне қол жұмсағанын жазды.
Алматы, NEGE. «Тараздан хабар жетті, Жамбыл облысы Полиция департаментінің бастығы, генерал-майор Жанат Сүлейменов өзіне қол жұмсады. Тәртіпсіздіктерден кейін оған қатысты қылмыстық іс қозғалған. Оны трибунал күтіп тұрды» деп жазды Козачков.
Іле-шала Чиновник телеграм-каналы генерал Ж.Сүлейменовтің көз жұмғанын ІІМ растағанын хабарлады.
Жамбыл облыстың Полиция департаменті оқиғаға қатысты былай деп хабарлады: «Жанат Сүлейменовтің көз жұмғаны рас. Бірақ қандай жағдай болғаны белгісіз».
1984 жылдан бері ішкі істер саласында қызмет еткен Ж.Сүлейменов 2017-2019 жылдары Ішкі істер министрінің бірінші орынбасары болып тағайындалды. 2020 жылдығ ақпанынан Жамбыл облыстық Полиция департаментін басқарған.