Жамбыл облысында жолаушылар пойызы автобуспен соқтығысып кете жаздады
Жамбыл облысында Тараз – Шу бағыты бойынша қатынап бара жатқан жолаушылар пойызы автобуспен соқтығысып қала жаздады. Абырой болғанда, машинист дер кезінде шұғыл тежегіш қолдана отырып, қайғылы оқиғаның алдын алды.
АЛМАТЫ, NEGE. Оқиға Қорғаты – Тәтті аралығындағы күзетілмейтін, бірақ реттелетін теміржол өткелінде орын алған. Автобус жүргізушісі пойыздың жақындап қалғанына қарамастан, рұқсат етілмеген сәтте теміржолға шығып кеткен. Бұл жағдайды байқаған локомотив бригадасы дереу әрекет етіп, пойызды тоқтатуға тырысқан.
«Қазақстан темір жолы» ұлттық компаниясының баспасөз қызметінің хабарлауынша, автобус жүргізушісі оқиға орнынан қашып кеткен. Қазіргі уақытта бұл дерек бойынша құқық қорғау органдарына ақпарат берілді, тергеу амалдары жүргізілуде.
Оқиғадан ешкім зардап шеккен жоқ. Мамандардың айтуынша, машинистің жедел әрекеті ықтимал апаттың және онда болуы мүмкін адам шығынының алдын алды.