Жамбыл облысында оқушының өліміне қатысты екі жасөспірім ұсталды
Жедел-іздестіру шаралары барысында полиция қызметкерлері 17 және 16 жастағы екі күдіктіні анықтап, уақытша ұстау изоляторына қамады, деп хабарлайды Жамбыл облысы полиция департаментінің баспасөз қызметі.
Алматы, NEGE. Оқушы жанжал кезінде қаза тапқан. Қылмыстық кодекстің 106-бабының 3-бөлігі (денсаулыққа қасақана ауыр зиян келтіру, абайсызда жәбірленушінің өліміне әкеп соққан) бойынша қылмыстық іс қозғалды.
«Қазіргі уақытта істі толық, объективті және жан-жақты тергеуге бағытталған барлық қажетті жедел-тергеу шаралары жүргізілуде», – делінген хабарламада.