Жамбыл облысында мұғалімді сыйламаған оқушының анасына айыппұл салынды
Жамбыл облысының кәмелетке толмағандардың істері жөніндегі мамандандырылған ауданаралық соты әкімшілік құқық бұзушылық туралы істі қарады.
Астана, NEGE. Істің мән-жайына сәйкес, айыпталушының ұлы – Жаңатас қаласындағы мектеп-гимназияның кәмелетке толмаған оқушысы. Ол ағылшын тілі мұғаліміне дөрекі жауап берген. Оқушы сабаққа барудан бас тартып, былапыт сөздер айтқан.
Осыған байланысты оның анасына қатысты әкімшілік құқық бұзушылық туралы іс қозғалды. Ол жыл басында осындай әрекет үшін жауапқа тартылған екен.
Сотта айыпталушы кінәсін толық мойындап, кешірім сұрап және болашақта мұндай оқиғалардың алдын алуға уәде берді, – делінген хабарламада.
Сот айыпталушының кінәсін мойындап тұрғанын, отбасылық және материалдық жағдайын ескере отырып, айыппұл сомасын 30%-ға азайтты. Енді ол 41 мың теңге көлемінде айыппұл төлеуге міндетті.
Қаулы заңды күшіне енген жоқ.
Қазір оқып жатыр
Әр облыс жастар ипотекасы үшін бюджетінен 1 млрд теңге бөлу керек – «Әділет» кандидаты нақты ұсыныс айтты
Тоқаев: «Болашақ ойындары» елдер арасындағы алтын көпірге айналады
Қостанайдағы әлеуметтік қызмет көрсету орталығында 14 жастағы мүгедек бала көз жұмды
Сауда министрлігі: Wildberries-тен Қазақстанда қойма салуға ресми өтініш түскен жоқ
