Жамбыл облысында қар құрсауынан 7 адам құтқарылды
Олардың төртеуі шетел азаматы, деп хабарлады Хабар-24.
Алматы, NEGE. Таулы аймаққа бағыт алғандар Шымбұлақ ауылынан 8 шақырым жердегі шатқалда қалып қойған. Олар жел электр станциясын салу үшін ыңғайлы жер іздеуге шыққан.
Бірақ көліктері бұзылып, қалыңдығы жарты метрге жететін омбы қарда тұрып қалған.
– Хабарлама бойынша нөмірі 7-ші өрт сөндіру бөлімінен Трэкол арнайы автокөлігімен құтқару жұмыстарына жолданған. Құтқару жұмыстарының нәтижесінде 7 адам құтқарылып, оның ішінде Қытай халық республикасының азаматтары Жуалы ауданы Б. Момышұлы ауылына жеткізілді. Медициналық көмек қажет болған жоқ, – деді ТЖД басқарма бастығы Алмас Жұматаев.