USD
USD
USD

Жамбыл облысында алты жасар бала жоспарлы ем қабылдау кезінде қайтыс болды

Қайғылы оқиға Т.Рысқұлова ауданындағы орталық аудандық ауруханада болды. Туыстары бала өлімінің себебін әлі білмейміз және оның медициналық картасын ала алмаймыз деп отыр, деп хабарлайды Kazinform.

петропавл
Фото: ғаламтордан

Алматы, NEGE. Баланың нағашысы видеохабарлама жариялап, онда аурухана басшылығы оқиғаның мән-жайын түсіндірмей, ешқандай құжат бермей жатқанын айтқан.

Туыстарының айтуынша, балаға дискинезия — қозғалыс белсенділігінің бұзылуы немесе ішкі ағзалардың, әсіресе өт шығару жолдары моторикасының бұзылуы диагнозы қойылған. Олардың айтуынша, емдеу симптомдарды жеңілдететін, бірақ оның негізгі себебін жоймайтын көмекші «Креон» препаратымен шектелген.

Облыстық денсаулық сақтау басқармасы қызметтік тексеріс жүріп жатқанын, баланың денесі сот-медициналық сараптамаға жіберілгенін хабарлады.

— Алты жасар бала мен оның әжесі ауруханаға жатқызу порталы арқылы жоспарлы түрде жатқызылды. 2025 жылдың 7 қазанынан бастап клиникалық хаттамаға сәйкес тексерулер мен емдеу жүргізілді. Баланың жағдайы орташа ауырлықта болды. 2025 жылдың 10 қазанында таңғы сағат 6:55-те бала кенеттен қайтыс болды. Қазір өлімнің себебін анықтау жұмыстары жүргізіліп жатыр. Ведомствоның ресми мәлімдемесіне сәйкес, толық ақпарат сараптама қорытындысы алынғаннан кейін беріледі, - делінген хабарламада.

Медициналық мекеме оқиға туралы жергілікті полиция бөліміне хабарлаған. Алайда қылмыстық іс қозғалды ма, жоқ па белгісіз. Полиция департаменті жағдайға қатысты түсінік бермей отыр.

Отбасы бейтарап тергеуді талап етіп отыр. Олардың айтуынша, баланың анасы екі жыл бұрын дәл осы ауруханада қайтыс болған. Енді отбасы қайғылы оқиғаның мән-жайын анықтап, кінәлілерді жауапқа тартуды сұрап отыр.

Қазір оқып жатыр

Ресей, Қытай және АҚШ басшылары бейбітшілік туралы декларация қабылдады

Владимир Путин, Си Цзиньпин, Дональд Трамп

Петропавл жастары ЖИ көмегімен өңірдің экологиялық мәселелерін шешу жолдарын ұсынды

ЭкоХакатон қатысушылары

Өзбекстандық профессор Қазақстанда тыңшылық жасады деген айыппен 10 жылға сотталды

Икболжон Корабоев

«Қоластындағы қызметкерді жыныстық қатынасқа мәжбүрлеген»: полиция полковнигіне 6 млн теңгедей айыппұл салынды

Данияр Мейірхан