18 Сәуір 17:48
...
«Жалғыз өзім хуторға бардым» – Қаржаубай Нұрымов баласының өлімінен кейін қалай әрекет еткенін айтты
Жетісу облысының қылмыстық істер жөніндегі мамандандырылған ауданаралық сотының ғимаратында Шерзат Полаттың өліміне қатысты жәбірленушілерден жауап алынып жатыр.
Алматы, NEGE. Шерзат Полаттың әжесі Жұмабике Кадирова, анасы Гүлбара Бишімбиева, және әкесі Қаржаубай Нұрымов сотта куәлік етті.
Жәбірленушілер сол күні болған оқиғаны түгел айтып берді.
«Нұрғанат пен Шерзатты аурухана апардым, екеуін реанимацияға кіргізді. Реаниматолог жігіттер ол жерден кешірім сұрап шықты. Содан ашуланып, жалғыз өзім хуторға бардым. Хуторға барғанда, Нұрбол машинамен қашты. Балаларды артынан іздеп бардым. Сөйтсем, сол жерде Нұрболды ұстай алмай 102 жүр екен. Мен Нұрболды қуып кеттім, ол сай-саламен қашты. Ары қарай 102-лер мені жүргізбей қойды», – деді Нұрымов.
