Спорт
Жалғасқа адыраспан көмектеспеді
Жерлесіміз Жалғас Жұмағұлов бүгін түнде UFC турниріне тұңғыш рет шығып, бразилиялық қарсыласынан жеңіліп қалды.
Алматы, NEGE. БАӘ-дегі Жауынгерлер аралында өткен жекпе-жекте Жалғас Жұмағұлов тәуір бастаған. Бразилиялық сойқан Раулиан Пайваға соққылары да дәл тиіп, тіпті екі мәрте алып ұрды. Алайда төрешілер үш раундың нәтижесін саралай келе, жеңісті бразилиялық спортшыға берді. Есеп – 28:29. Атойлап жүріп айқын жеңбеген соң осылай болары анық еді.
Естеріңізге салайық, осы аптада Жалғас Жұмағұловтың әлдебір шөпті «арнайы құрылғымен» тартып тұрған видеосы жарияланған. Оқырмандар оны сан-саққа жүгіртті. Жұмағұлов бұрқыратып тұрған шөпті «адыраспан» деді бірі, енді бірі «марихуана болар» деп болжады. Спортшының өзі бұл мәселеге қатысты түсініктеме берген жоқ.