Жалған құжат жасайтын қылмыстық топ құрықталды
«Алматыда мигранттарды елімізге заңсыз әкелумен айналысатын қылмыстық топ құрықталды» деп мәлімдейді, Ұлттық қауіпсіздік қызметінің баспасөз қызметі.
Алматы, NEGE. 15 қараша күні ҰҚК мен Алматы қалалық прокуратурасының мамандары бірлескен іс-шара негізінде елімізге Орталық Азия елдерінен мигранттарды заңсыз әкелумен айналысатын қылмыстық топтың мүшелері тұтқындалған. Қылмыстық топ құрамына қалалық Көші-қон қызметінің мамандары мен жатжерліктерге №086 формадағы жалған рұқсат қағаз алып берумен, шетелдіктерге құжаттарды жедел жасап берумен айналысатын делдалдар болған.
ҰҚК қызметкерлері тексеру кезінде қылмыстық топ мүшелерінен 40 шақты шет ел азаматтарының төлқұжаты, 2 млн теңгеден аса ақша, сондай-ақ, шетелдіктерге Қазақстанда еркін жүру құқығын беретін дайын құжаттар шыққан.
