Жалған ақпарат таратқандарға айыппұл салынады

Алматы, NEGE. Ел үкіметі БАҚ пен әлеуметтік желілерде жалған ақпарат жариялағаны үшін жауапкершілікті қарастыратын Құқық бұзушылықтар туралы кодекске түзетулер енгізуге бастамашы болды. 

Әзірлеушілер атап өткендей, бүгінде Интернет пен әлеуметтік желілер ақпараттың негізгі көзіне айналды. Олардың платформаларында сондай-ақ жалған ақпарат таратылып келеді. БАҚ пен интернет кеңістігін реттеу цензура немесе демократиялық құқықтар мен бостандықтардың бұзылуы ретінде бағаланбауы керек. Фейк аккаунттар жағдайды тұрақсыздандыру мақсатында, сондай-ақ қандай да бір оқиғадан кейін қоғамда жағымсыз көңіл-күй тудыру үшін тіркеледі.

Құжатқа сәйкес, әлеуметтік желілерде және БАҚ-та қоғамдық тәртіпті, азаматтардың немесе ұйымдардың құқықтары мен заңды мүдделерін немесе қоғамның немесе мемлекеттің заңмен қорғалатын мүдделерін бұзуға жағдай туғызатын фейктерді жариялағаны үшін, егер бұл әрекеттер қылмыстық жауапкершілікке жатпайтын болса, айыппұл салу ұсынылып отыр.

Айыппұл жеке тұлғаларға 200 есептік көрсеткіш (20 мың сом), заңды тұлғалар үшін 650 есептік көрсеткіш (65 мың сом) мөлшерінде белгіленді.