Зеленский жерлестеріне көңіл айтты

Алматы, NEGE. Украина президенті Зеленский facebook парақшасында: «Таяу Шығыстан суыт хабар жетті. Бүгін таңертең Имам Хомейни халықаралық әуежайынан (Тегеран қаласы) ұшып шыққан украиналық әуе компанияның жолаушылар ұшағы апатқа ұшырады. Алдын ала мәліметтер бойынша, ұшақ бортындағы барлық жолаушылар мен экипаж мүшелері қаза тапқан. Қазір біздің елшілік қайғылы жағдайдың мән-жайы мен қаза тапқандардың аты-жөніне байланысты ақпаратты нақтылап жатыр. Ұшақ апатынан қаза тапқан жолаушылар мен экипаж мүшелерінің жақындары мен туыстарына көңіл айтамын», – деді.

Айта кету керек, Тегеранда украиналық ұшақ апатқа ұшырап, борттағы 180 жолаушының бәрі қайтыс болды.