Зейнетақы мен жалақы өседі
Келесі жылдың бірінші қаңтарынан бастап елде ең төменгі жалақы - 60 мың теңге болады, деп хабарлайды «Хабар 24».
Алматы, NEGE. Мемлекеттiк базалық зейнетақы төлемінің мөлшері – 21 907 теңге деп белгіленіп отыр. Ал, ең төменгі зейнетақы - 53 076 теңге. Айлық есептік көрсеткіш – 3 450 теңге болмақ.
Еске салайық ол жәрдемақыларды, айыппұлдар мен салықты, басқа да әлеуметтік төлемдерді есептеу үшін қолданылады. Сонымен қатар жасына байланысты және еңбек өтілі үшін зейнетақыға бөлінетін қаражат 10,5 процентке ұлғаяды. Мұның бәрі тиісті заң жобасына енгізілген. Құжат қазір талқыланып жатыр.