Іздеуде жүрген төрт қазақстандық ҰҚК арнайы жасағының конвойымен елге жеткізілді
Ұлттық қауіпсіздік комитеті іздеуде жүрген Қазақстан азаматтарын елге қайтару операциясының жүргізілгенін хабарлады.
Астана, NEGE. Ведомство мәліметінше, арнайы операцияны жүргізуге шет мемлекеттердің құзырлы органдары атсалысқан.
«7 және 12 мамыр күндері шет мемлекеттерден ҰҚК арнайы жасағының конвойымен террористік қылмыс жасады деген күдікпен республикамыздың төрт азаматы Отанға жеткізілді», – делінген ресми хабарламада.
Ұзақ уақыт бойы шетелде жасырынып жүрген күдіктілер ҰҚК бағдары бойынша ұсталған.
Қазіргі уақытта оларға қатысты тиісті қылмыстық істер аясында тергеу әрекеттері жүргізілуде.