Zara Ресей нарығына оралмайтынын мәлімдеді
Zara бренді (Inditex Group-қа тиесілі) Ресейде өз дүкендерін ашпайды, деп хабарлайды inbusiness.kz.
Алматы, NEGE. Жақында Zara сайтында 30 сәуірден бастап Ресейде оның дүкендері ашылады деген ақпарат жарияланған болатын. Бірақ кейін компания өкілдері мұндай мәліметтің техникалық ақаулардың нәтижесінде пайда болғанын хабарлады.
Сәуір айында Inditex Group бас директоры Оскар Гарсиа Масейрас Ресейде өз дүкендерін қайта ашуды жоспарлап отырғанын айтқан еді.
Естеріңізге сала кетейік, 5 наурызда Zara және Bershka брендтеріне ие испаниялық Inditex деп аталатын киім дүкендерінің желісі Украинадағы соғысқа байланысты Ресей Федерациясының аумағында жұмысын тоқтату туралы шешім қабылдады.
