Заңгер мектепке орамал тағуға рұқсат бергісі келген Білім министріне қарсы шықты
Заңгер Айгүл Орынбек "Біз ата-анасы бас киім таға алмағандықтан мектепке бара алмай жүрген қыздардың мәселесін қарастыра алар едік. Осы себептердің әсерінен балалар мектепке бармаса немесе қашықтан оқуға көшуге мәжбүр болса, бұл кері әсер етеді, ал біз инклюзивті қоғам болуымыз керек" деген Білім министрі Асхат Айтмағамбетовтың сөзіне қарсы шықты.
Алматы, NEGE. Бұл туралы ол Facebook желісіндегі парақшасына жазды.
"Дамыған елдер ғылымға, өркениетке ұмтылса, біз — шүберектен әріге аса алмай отырмыз!
«Балаларға кәмелет жасына жетпей ата-анасы өз наным-сенімдерін тықпалап, мәжбүрлеуге болмайды»,- деген заңды енгізу керек!
Әр бала кәмелет жасқа толғанда бұл мәселені өзі шешуі керек!
Асхат Аймағанбетов мырза, балалардың киімімен емес, ең алдымен білімімен айналысқаныңыз жөн!!!
Қолыңыздан келмей ме?! Отставкіге кете салыңыз!", - деді Айгүл Орынбек.