Яндекс Такси жауапкершілікке тартылды
Яндекс Таксиге қатысты монополияға қарсы тергеулерді аяқтады. Оның қорытындысы бойынша, компания көрсетілген таксопарктердің экономикалық қызметін үйлестіргені, монополияға қарсы органға ақпарат бермегені үшін әкімшілік жауапкершілікке тартылды.
Сондай-ақ, Яндекс Такси Қазақстанның цифрлық экожүйесін қолдау қорына өз еркімен 3 млрд теңге аударды.
Агенттік пен Яндекс Такси монополияға қарсы комплаенс жасасты. Оның аясында мынадай шараларды іске асыру көзделіп отыр:
Біріншісі, жүргізушілер үшін еңбекақыны арттыру шарты. Тапсырыс жол жүру ақысының базалық құнынан екі есе асатын болса,14 желтоқсаннан бастап, Яндекс комиссиясын алуды тоқтататын болады; (экономикалық әсері жылына шамамен 2 млрд теңгеге);
- жүргізушілер үшін қосымша бонустық бағдарлама енгізу (2024 жылы сала айналымы мен инфляцияның өсуіне байланысты 7-10 млрд теңге);
- тарифті қалыптастырудың ашықтығын арттыру мақсатында тарифті не үшін көтергені және қандай өзгеріс болғаны туралы негіздеме келтіре отыра, пайдаланушы қосымшасын жақсарту.
- екіншіден, жолаушылар үшін жаңартылған «Бірге» тарифі енгізіледі, ол тіпті ең жоғары сұраныс болып тұрғанның өзінде, төмен бағамен таксиге тапсырыс беруге мүмкіндік береді (тарифті 2-ге дейін көтеруге шектеу);
- агрегатор такси қызметтеріне ең жоғары сұраныс жағдайында, мысалы, ауа-райының қолайсыздығында немесе мереке күндері х3-тен жоғары тарифті көтеруге шектеу енгізеді - тоқсанына аталмыш деңгейден жоғары сапарлардың саны 5 пайыздан аспайтын болады;
- баламен жүретін жолаушылар үшін «балалар» тарифі енгізіледі, ол балалар креслолары немесе бустері бар автокөлікті шақыруға мүмкіндік береді.
Такси жүргізушілерімен тиімді қарым-қатынас жасау және клиенттермен байланысты қолдау үшін Call-орталықта «кәдімгі» оператор жұмыс істемек.
Сонымен қатар, жолаушылар мен жүргізушілердің мүдделерінің тепе-теңдігін қамтамасыз ететін мынадай жүйелі шаралар қабылданды:
- Агенттік заңнамаға түзетулер енгізуге бастама көтерді. Оларды енгізу жүргізушілерге Яндекс-пен таксопарксіз тікелей жұмыс істеуге мүмкіндік береді (таксопарктер комиссиясы – 4-8%);
- Яндекс бағдарламалық қамтамасыз етуді, сондай-ақ баға белгілеуге әсер ететін факторларды (ауа райы жағдайлары, мереке күндері, сұраныстың артуы, жүргізушілердің болмауы және т.б.) егжей-тегжейлі зерделеу үшін IT саласындағы тәуелсіз аудиторлық компания Агенттікпен, Цифрлық даму және аэроғарыш өнеркәсібі министрлігімен бірлесіп алгоритмдік баға белгілеу аудитін жүргізеді.
Яндекс міндеттемелерінің монополияға қарсы комплаенс шеңберінде орындалуы Агенттік жанындағы арнайы мониторингтік топтың бақылауында болады. Оның құрамына кәсіби қоғамдастықтардың сарапшылары (бастамашыл топтардың, көлік, еңбек және халықты әлеуметтік қорғау, әділет, цифрлық даму және инновациялар министрліктерінің, сондай-ақ таксопарктер қауымдастығының өкілдері) кіреді. Бұл туындайтын сын-қатерлерді уақтылы қарауға мүмкіндік береді.
Сонымен қатар, болашақта бәсекелестікті қорғау саласындағы заңнаманы бұзу фактілері анықталған кезде Агенттік заңнамада белгіленген тиісті шараларды қолданатын болады.
