Жесір әйел күйеуінің ақшасын күндесімен бөлісуге мәжбүр болды
Италияның Турин қаласында тұратын әйелдің күйеуі көлік апатынан қайтыс болған. Артынша, ол күйеуінің көзіне шөп салып келгенін білген. Марқұм көзі тірісінде өмірін сақтандырған екен. Ал көңілдесі сақтандыру төлемінің жартысын алып қойған.
Алматы, NEGE. 39 жастағы отағасы 2020 жылы апатқа ұшырап, қайтыс болған кезде, әйелі мен баласы қалада болмаған соң, полиция марқұмның денесін тануға оның көңілдесін шақырыпты.
Туринге қайтып келген соң, күйеуінің көзіне шөп салғанын білген әйелге оның көңілдесімен кездесуге тура келген. Сотта. Көңілдесінің адвокаты бұл әйелдің де өтемақы алуға құқығы бар екенін айтып, сақтандыру компаниясын көндіріп қойыпты. Жесірге ақшаның жартысын төлетуге мәжбүрлеген. Адвокаттың пікірінше, марқұм қалған өмірін көңілдесімен өткізгісі келген көрінеді.
Көңілдесінің айтуынша, көзі тірісінде ер адам аптаның үш күнін онымен, қалған төрт күнін отбасында өткізіпті. Сондықтан өлген кісінің туысы ретінде сақтандыру төлемін алуға толық құқығы бар екен. Сот та осы шешімді қос қолдап қолдапты.
