«Талибан» ауғандарға сақалын кесуге тыйым салды
«Талибан» Ауғанстанның ер адамдарына сақал кесуге тыйым салды, олардың айтуынша, бұл шариғат заңдарына сәйкес келмейді.
Алматы, NEGE. Биліктен шаштараз иелеріне кәсіпкерлікпен айналысуды тоқтату туралы қоқан-лоққылар жиілеген. Бастапқыда тиісті тыйым тек Гильменд провинциясында ғана қолданылған, алайда көп ұзамай ірі қалаларға, соның ішінде Кабулға таралды. Ауған халқының айтуы бойынша, ер адамдар тәліптерден ерекшеленбеу үшін және содырлардың назарын аудармау үшін күтім жасау мен сәнді шаш қиюды тоқтатқан.
