Мұғалімдер жаппай ереуілге шықты

14 қаңтар, 14:05
Мұғалімдер жаппай ереуілге шықты
Фото: ғаламтордан

Францияда мұғалімдердің 40 проценті мен білім беру мекемелерінің өзге де қызметкерлері ереуілге шықты, деп хабарлайды "Хабар 24" арнасы. 

Алматы, NEGE. Көшеге шыққандар мектептерде санитарлық тәртіптің жиі өзгеретініне наразы. Мәселен, соңғы 8 күнде коронавирусқа қарсы қабылданған шаралар 3 мәрте өзгерген. Наразы топтың мәлімдеуінше, білім ошақтарында қажетті медициналық заттар да жеткіліксіз. Сол себепті, кей мектептерде педагогтардың 75 проценті жұмысқа шығудан бас тартқан.

Бүгінде Францияда 10 мыңға жуық сынып қашықтан оқу форматына көшті. Бұған аймақтағы эпидахуалдың ушығуы себеп. Ұстаздар биыл емтихан тапсыратын жоғары сынып оқушыларының білім деңгейі нашарлауы мүмкін деп алаңдайды.