23 Маусым 11:56
Грузияда бетперде кию міндет емес
Грузияда бүгіннен бастап таза ауада бетперде кимей жүруге рұқсат етті.
Алматы, NEGE. Бұл ел тұмшаланып жүруді былтыр наурыз айында міндеттеген. Бірақ жазда шектеу жеңілдетіліп , кейін эпидахуалдың ушығуына байланысты тәртіп қайта енгізілген. Енді вакциналау басталғаннан бері індеттің беті қайта бастады. Күн сайын анықталатын науқас саны 300-ге жетпейді.
Ираклий Гарибашвили, Грузия Премьер-министрі:
– Бүгіннен бастап таза ауада маска тағу міндеттелмейді. Қоғамдық көлік пен жабық бөлмелерде бұл шектеу әлі күшінде қалады. 1 шілдеде коменданттық сағат алынып тасталады. Ал екі аптадан кейін Грузияға бір миллион вакцина жеткізіліп, елде вакциналаудың белсенді кезеңі басталады.