Владимир Путин Kazinform-ның атқарушы директоры Асқар Жалдиновтың сұрағына жауап берді
Ресей Федерациясының президенті Санкт-Петербург халықаралық экономикалық форумы (ПМЭФ) аясында өткен ірі халықаралық ақпараттық агенттіктердің басшыларымен кездесті.
Алматы, NEGE. Әңгіме барысында «Казинформ» ХАА-ның атқарушы директоры Асқар Жалдинов сауал қойды:
– Владимир Владимирович, Қазақстан мен Ресейдің көрші мемлекеттер ретіндегі қарым-қатынасының болашағы қандай?
Фото: kremlin.ru
«Қасым-Жомарт Кемелұлы, Президент Тоқаевпен үнемі байланыстамыз. Бізде өте мейірімді, сенімді, достық қарым-қатынас қалыптасты», – деді Владимир Путин.
РФ Президенті гуманитарлық саладағы ынтымақтастықтың жақсы деңгейде екенін де атап өтті.
«Шынымды айтсам, біздің қарым-қатынасты қандай да бір жолмен қиындатқан ойды көріп тұрған жоқпын. Қытаймен ынтымақтастық туралы айттық, бізде тауар айналымының 90%-ы ұлттық валюталарға тиесілі. Біздің Қазақстанмен қарым-қатынаста да солай болып жатыр. Ол 100%-ға таяп қалды. Яғни, бізде барлық вектор бойынша өте нәтижелі бірлескен жұмыс жүріп жатыр. Соның ішінде барлық бағыттар бойынша біздің өзара іс-қимылды қолдайтын Президент Тоқаевтың арқасында. Жақында Астанаға барамыз, ШЫҰ саммиті және басқа да іс-шаралар болады. Менің шақыртуым бар, әрине, мен оны қолданамын», - деп түйіндеді Ресей басшысы.