20 Қаңтар 10:50
...
Виктор Цойдың жанкүйері музыканттың қабірі басында көз жұмған
Қайғылы жағдай 18 қаңтарда Санкт-Петербургтегі Богослов зиратындағы рок-музыкант Виктор Цойдың қабірі басында болған.
Астана, NEGE. Виктор Цой шығармашылығының жанкүйері болған 47 жастағы әйел қабір басында қайтыс болды, деп жазады «МК в Карелии» басылымы.
Бұл ақпаратты 19 қаңтарда құқық қорғау органдары растаған.
Алдын ала мәліметтерге сәйкес, «Кино» тобының жанкүйері болған әйел қабір басына екі танысымен барған. Оқиға орнында жұмыс істеген мамандар өлімнің қылмыстық сипатын жоққа шығарған. Криминалистердің алдын ала мәлімдеуінше, қайғылы жағдайға сапасыз алкоголь себеп болуы мүмкін.
Қайтыс болған әйелдің екі танысы мән-жайды анықтау үшін полиция бөліміне жеткізілген. Қазіргі уақытта осы факт бойынша тергеу амалдары жүріп жатыр.
