Вашингтон КҚК, «Теңізшевройл» және Қарашығанаққа қатысты санкцияларды алып тастады
АҚШ билігі «Роснефть» пен «Лукойл» компанияларына қатысты санкциялар аясынан Каспий құбыр консорциумын (КҚК), «Теңізшевройлды» және Қарашығанақ кен орнын игеру жобасын шығару туралы шешім қабылдады.
Астана, NEGE. Бұл туралы АҚШ Қаржы министрлігі жариялаған №124B жалпы лицензиясында айтылған.
Құжат КҚК, «Теңізшевройл» және Қарашығанақ жобасының операциялық қызметіне қатысты қызметтер көрсетуді және өзге де транзакцияларды жүргізуге рұқсат береді. Алайда лицензия бұл компаниялар мен жобалардағы үлестерді сату немесе басқа тұлғаларға беру құқығын қарастырмайды.
