Вакцина салдырған алматылық олжаға кенелді
Алмалы ауданындағы екпе пунктінде «Вакцина сал, сыйлық ұтып ал!» акциясының нәтижесі шығарылды
Алматы, NEGE. Алматыда вакцина салдырған 62 жастағы тұрғын iPhone12 ұтып алды, деп хабарлады Almaty.tv. Алмалы ауданына қарасты сауда ойын-сауық орталығына күніне 50 шақты азамат екпе алуға келеді. Солардың ішінде ерікті түрде «Вакцина сал, сыйлық ұтып ал!» акциясына қатысқандар бүгін ойынның нәтижесін білді. Кездейсоқ таңдалған жеңімпаздарға бірқатар сыйлық тағайындалған. Ал бас жүлде iPhone12 смартфонның иегері 62 жастағы қала тұрғыны болды.
«Мамырда бірінші ұтыс ойынын өткіздік. 7 маусымнан бастап екіншісін өткізіп жатырмыз, бас жүлде − iPhone12 телефоны», − деді көпсалалы кешеннің бас директоры Жұмабек Артығалиев.
Айта кетейік, ай басында қаладағы «ЦУМ» сауда үйінде вакцина салдырғандардың арасында 5 жүлде ойнатылды: ІРhonе 12 смартфоны, Samsung Galaxy A02 телефоны, «Starbucks» желісінен, «Wendy's» мейрамханасынан сертификаттар, сондай-ақ кәдесыйлар орталығынан сертификаттар берілді. Бас жүлде ІРhonе 12-ні Дарья Сургутанова есімді тұрғын иеленді.