Үздік ұстаздар сыйақы алады
Биыл елордалық мұғалімдер «Нұр-Сұлтан қаласының құрметті педагогі» медалімен марапатталады.
Алматы, NEGE. Оларға 830 мың теңге көлемінде сыйақы беріледі. Бұл туралы қала әкімі Алтай Көлгінов Тамыз кеңесінде айтты. Сондай-ақ «Қазақстандық ипотекалық ұйыммен» бірлесіп, 1 мың әлеуметтік пәтерді іске асыру туралы келісімге қол қойылғанын мәлімдеді. Бұдан бөлек, 400 мұғалім біліктілікті арттыру курстарында оқудан өтті. Олар шетелдің білікті мамандарымен тәжірибе алмасты. Айта кетейік, бүгінде еңбек жолын енді бастаған жас мұғалімдерді қолдау мақсатында 350 пәтерлік жас педагогтар үйі салынды.