«Үй кезегі келді»: Алаяқтар адамдарды алдаудың тағы бір тәсілін ойлап тапты
Ішкі істер министрлігі соңғы уақытта тұрғын үй кезегіне қатысты алаяқтық жағдайлары көбейгенін хабарлады.
Астана, NEGE. Алаяқтар өздерін банк қызметкері немесе мемлекеттік орган өкілі ретінде таныстырып, азаматтарды алдайды. Олар әлеуметтік желілерде жалған ақпарат таратып, WhatsApp және басқа да мессенджерлер арқылы хабарласып, адамдардың сеніміне кіруге тырысады.
«Алаяқтар көбінесе «үй кезегі келді», «пәтер кілтін жедел рәсімдеу керек» деген сылтаумен азаматтардан жеке деректерін сұрайды немесе ақша талап етеді», – дейді министрліктегілер.
Полиция тұрғын үй кілттері мен құжаттар мессенджерлер арқылы рәсімделмейтінін және берілмейтінін еске салды.
Осыған байланысты азаматтарды күмәнді қоңыраулар мен хабарламаларға сенбеуге, жеке деректерін (ЖСН, банк картасының нөмірі, кодтар) ешкімге бермеуге және белгісіз шоттарға ақша аудармауға шақырды.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
