Ұсталған 78 қылмыскердің 30-ы әйел зорлаған
Ішкі істер министрлігінің ресми өкілі Нұрділдә Ораз «Мигрант» жедел алдын алу іс-шарасының аралық нәтижесін жариялады. Ресми өкіл жыныстық сипаттағы зорлық-зомбылығы үшін іздеу жарияланған 30 адам ұсталғанын мәлімдеді, деп хабарлайды inbusiness.kz.
Нұр-Сұлтан, NEGE. «7 маусымнан бастап өткізіліп жатқан «Мигрант» жедел алдын алу іс-шарасы барысында іздеуде жүрген 78 қылмыскер ұсталды. Олардың қатарында жыныстық сипаттағы зорлық-зомбылық жасағаны үшін халықаралық іздеу жарияланған еліміздің – 27, ТМД елдерінің – 3 азаматы бар. Көші-қон қызметінің мәліметіне сәйкес, «Мигрант» операциясы барысында көші-қон заңнамасын бұзғандарға қатысты 518 сот шешімі қабылданды. Олар ел аумағынан шығарылды», – деді Нұрділдә Ораз.