Ұшақтың неден құлағаны анықталды
Бүгін сағат 07:22-де Алматы-Нұр-Сұлтан бағыты бойынша Bek Air әуекомпаниясының №Z2100 рейсі, Fokker-100 ұшағы ұшып көтерілу кезінде биіктіктен айырылып, жерге құлады.
Алматы, NEGE. Алматы облысы Талғар ауданы аумағында Гүлдала мен Әлмерек елді мекендері арасындағы екі қабатты құрылысқа ұшақ құлады.
Дереу құтқару жұмыстары басталып, өрттің алдын алу жұмыстары жүргізілді. Медициналық көмек көрсету үшін 40 жедел жәрдем бригадасы іске кірісті. Құтақару жұмысына жалпы 700 адам мен 119 техника жұмылды.
Қазіргі уақытта қаза болғандар саны – 15 адам, зардап шеккендер –12 адам (8 ересек, 4 бала).
ҚР Премьер-Министрі Үкімет комиссиясын басқарды. Комиссия құрамында Премьер-Министрдің орынбасары, ҚР Индустрия және инфрақұрылымдық даму министрі және басқа да мемлекеттік органдардың өкілдері бар.
Алдын ала мәліметтер бойынша, бортта 93 жолаушы, 5 экипаж мүшесі болған. Әуе кемесінің ұшуға жарамдылығы сертификаты 2019 жылы мамырда берілді.
Борттың шығарылған күні 1996 жылдың сәуір айы. Қазақстандық тізімде 2016 жылғы 26 тамызда тіркелген (куәлік нөмірі 940). Bek air авиакомпаниясында 9 борт тіркелген. Оқиғаның егжей-тегжейлі жағдайлары мен себептері анықталады. Қазіргі уақытта пайдаланушы сертификатын және Bek air авиакомпаниясының ұшу жарамдылығын Қазақстанның авиациялық әкімшілігі тоқтатты.
