Ұшақ апатына байланысты Тоқаевтың тапсырмасы бойынша мемлекеттік комиссия құрылды
Қазақстан Президентінің тапсырмасы бойынша мемлекеттік комиссия құрылып, оны Премьер-Министрдің орынбасары Қанат Бозымбаев басқарады.
Ақтау, NEGE. Президент Астанадан Ақтауға дәрігерлерді жіберіп, зардап шеккендерге барлық қажетті қолдау көрсетуді тапсырды.
Ақтау қаласының маңында «Баку-Грозный» бағытындағы Azerbaijan Airlines авиакомпаниясына тиесілі ұшақ апатқа ұшырады.
Ұшақ бортында 67 адам, оның ішінде 5 экипаж мүшесі болды.
Апаттан аман қалған 25 адам бар, оның ішінде 22 адам ауруханаға жеткізілді.
Көлік министрлігі таратқан алдын ала ақпаратқа сәйкес, бортта 37 Әзірбайжан, 6 Қазақстан, 3 Қырғызстан, 16 РФ азаматы болған.