Ұшақ апаты: Түпқараған ауданында төтенше жағдай режимі жарияланды
Azerbaijan Airlines авиакомпаниясының ресми деректері бойынша бортта 5 экипаж мүшесін қоса алғанда 67 адам болған.
Алматы, NEGE. Жолаушылардың арасында: 6 Қазақстан азаматы, 42 Әзірбайжан азаматы, 3 Қырғызстан азаматы, 16 Ресей азаматы. Экипаж мүшелерінің барлығы Әзірбайжан азаматтары.
Оқиға салдарынан 29 адам, оның ішінде 3 бала ауруханаға жатқызылды. Оның ішінде 15 Әзірбайжан азаматы, 9 Ресей азаматы, 2 Қырғызстан азаматы, 3 адамның азаматтығы анықталуда.
Жедел желі телефондарына 571 өтініш түсті.
Оқиға орнында 482 адам, 97 бірлік техника, 2 әуе кемесі және 10 кинологиялық есептоп жұмылдырылды.
Түпқараған ауданы әкімдігінің өкімімен жергілікті ауқымдағы төтенше жағдай режимі жарияланды.
Қазақстан, Ресей және Әзірбайжан ТЖМ бейнеконференцбайланыс режимінде ақпарат алмасуда.