Үш өңірде ауа райына байланысты ескерту жарияланды
Қазақстанның үш облысында ауа райына байланысты ескерту жарияланды, деп хабарлайды «Қазгидромет» РМК.
Алматы, NEGE. 1 қаңтарда Маңғыстау облысының басым бөлігінде тұман түседі. Күндіз өңірдің солтүстік-батысында көктайғақ болуы ықтимал. Оңтүстік-шығыстан жел соғады, күндіз облыстың солтүстік-батысында желдің екпіні 15-20 м/с жетеді.
1 қаңтарда Атырау облысының батысында, оңтүстігінде және орталығында тұман, көктайғақ болады. Атырау қаласында да тұман, көктайғақ.
1 қаңтарда Батыс Қазақстан облысының солтүстік-батысында көктайғақ болып, тұман түседі. Жел оңтүстік-батыстан соғады, күндіз облыстың солтүстік-шығысында желдің жылдамдығы 15-20 м/с жетеді. Орал қаласында көктайғақ. Түнде және таңертең тұман түседі.
