Спорт
US Open: Анна Данилина миксте жартылай финалға жолдама алды
Қазақстандық теннисші Анна Данилина АҚШ ашық чемпионатында аралас жұпта жартылай финалға жолдама алды, деп хабарлайды ҚазАқпарат.
Алматы, BEGE. Қазақстандық теннисші финляндиялық Харри Хелиоваарамен бірге ширек финалда қытайлық Сюй Ифань – бельгиялық Йоран Флигенмен кездесті.
Бірінші партияда брейк жасаған қазақстандық-финляндиялық жұп 7:5 есебімен басым түсті.
Екінші сетте тай-брейкте олар жеңісті жұлып алды – 7:6 (7:2).
Бір сағат 42 минутқа созылған тартысты бәсеке барысында А.Данилина – Х.Хелиоваара 9 эйс жасап, 7 брейк-пойнттың біреуін пайдалана алды. Қытайлық-бельгиялық дуэт 8 эйспен көзге түсті.
Анна мен Харридің жартылай финалдағы қарсыластары кейін анықталады.