US Open: Бублик төртінші айналымда Синнерге қарсы ойнайтын болды
АҚШ ашық чемпионатының үшінші кезеңінде Александр Бублик (АТР рейтингінде – 24) америкалық Томми Полды (АТР – 14) 7:6(7:5), 6:7(4:7), 6:3, 6:7(5:7), 6:1 есебімен ұтты.
Алматы, NEGE. Кездесу 3 сағат 40 минутқа созылды. Осы уақыт ішінде Александр 22 эйс жасап, 12 қос қателік жіберді және 8 брейк-пойнттің үшеуін тиімді пайдаланды.
Қазақстандық теннисші төртінші кезеңде әлемнің бірінші ракеткасы, италиялық Янник Синнермен кездеседі. Бұл қос спортшының корттағы жетінші ойыны болмақ. Екеуі барлық корт төсенішінде ойнап үлгерген:
- Көгалда Бублик алда – 2:1 (екеуінде ол Синнерді Галледегі турнирде жеңген).
- Топырақта артықшылық Синнерде – 1:0 (Ролан Гаррос ширек финалында).
- Хардта италиялық 2:0 есебімен басым (Майами мен Дубай турнирлеріндегі жеңістер).
