Үндістан премьер-министрі Мәскеуге сапарынан кейін Киевке барды
Үндістан премьер-министрі Нарендра Моди жұма күні Киевте Украина президенті Владимир Зеленскиймен кездесті.
Алматы, NEGE. Бұл екі ел арасында дипломатиялық қарым-қатынас орнағаннан бері Үндістан премьер-министрінің Украинаға жасаған алғашқы сапары. Сапардың негізгі мақсаты – экономикалық байланыстар мен қорғаныс, ғылым және технология саласындағы ынтымақтастықты нығайту.
Үндістан премьер-министрі аймақта «бейбітшіліктің тез арада қалпына келуін» жақтайтынын айтты.
Бұған дейін, шілде айының басында Моди Мәскеуге келіп, Ресей президентімен кездесті. Содан кейін Украинадағы қақтығысқа түсініктеме берген Үндістан премьер-министрі «бомбалар, зымырандар, мылтықтар бейбітшілікті қамтамасыз ете алмайды» деген еді.
Владимир Зеленский Модидің Мәскеуге сапарын «бейбітшілік жөніндегі талпыныстарға ауыр соққы» деп атаған болатын.
