Үндістанда жалпыұлттық карантин жарияланды
Үндістан билігі 25 наурыздан бастап 21 күнге жалпыұлттық карантин жариялады. Бұл туралы халыққа үндеуінде премьер-министр Нарендра Моди мәлімдеген.
Алматы, NEGE. Times of India басылымының хабарына қарағанда, қазіргі жағдайда коронавирустың таралуын тежеу – биліктің әрекетіне тәуелді. «Сондықтан Үндістан үкіметі қауіптің алдын алудың барлық шараларын қатаң жүргізуге әзір» деген Моди отандастарын үйден шықпауға шақырған.
Ол Қытай, АҚШ және Италияны мысалға келтіріп, жұртшылықты тәртіп сақтауға үндеген. Әлемде 4 күннің ішінде 100 мың науқастың тіркелгенін ескертіп, жұқпалы індеттің шын мәнінде үрейлі екенін көптің есіне салған.
Үндістанда 22 наурыздан бастап халықаралық рейстерді қабылдау тоқтатылды. 65 жастан асқан қарттар мен 10 жасқа дейінгі балаларға үйден шықпауға кеңес берілді. Адам көп шоғырланатын сауда және көңіл көтеретін орталықтар жабылған.
Қазір оқып жатыр
Әл-Фараби даңғылындағы жол апаты: тергеу аяқталды
Алматы облысында терроризм туралы жалған хабарламалар тартқан екі оқушы ұсталды
Көкшетауда жалғызбасты ана жол апатынан қаза тапты: күдіктінің жүргізуші куәлігі болмаған
Шымкентте екі колледжде 1,3 млрд теңге жымқыру ісі: күдіктінің Дубайдағы пәтері бұғатталды
