Үндістанда екібасты жылан табылды
Екі басы бар жылан Батыс Бенгалия штатына қарасты Миднапур қаласы маңынан табылған.
Алматы, NEGE. Жақын маңдағы ауылға жорғалап келген жыланның алдына сүт қойып, ауыл тұрғындары қошуақ алған. Олар бұл жыланды зерттемек болған орманшыларға да бермей отыр. Моноклды кобра деп аталатын әбжыланның бұл түрі өте улы. Күріш алқабын, мибатпақ, шағын тоғанды жерлерде мекен ететін мұндай кобра көбіне Оңтүстік және Оңтүстік-Шығыс Азияда кездеседі, бірақ мұндай қосалқы басы бар түрі бірінші рет табылып отыр дейді, жергілікті зоолог.
