Ұлттық қауіпсіздік комитеті үш облыста арнайы операция жүргізді
Ұлттық қауіпсіздік комитеті ішкі істер органдарымен және Бас прокуратураның үйлестіруімен бір мезгілде Жетісу, Жамбыл және Түркістан облыстарында арнайы операция жүргізді.
Алматы, NEGE. Нәтижесінде заңсыз қару мен есірткі сақтау, бопсалау, заңсыз көші-қон жұмыстарын ұйымдастыру және басқа да ауыр қылмыстарды жасады деген күдікпен топтың 72 мүшесі тергелді.
Олар өз қызметін Қытаймен (Қорғас ШЫХО), Өзбекстанмен (Жібек жолы өткізу пункті) және Қырғызстанмен (Қордай авто өткізу пункті) шекаралас аймақтарда жүргізіп отырған.
Тінту барысында қару оқ-дәрілерімен, қомақты ақша, есірткі, сондай-ақ өзге де заттай дәлелдемелер тәркіленді.
Тергеу іс-шаралары жүргізілуде.
Қылмыстық-процестік кодекстің 201-бабының 1-бөлігіне сәйкес өзге ақпараттар жария етуге жатпайды.
