Ұлттық гвардия орынбасар қолбасшысы жанар-жағармай ұрлаған деген күдікке ілінді
ҚР Ұлттық гвардиясының өңірлік бөлімі қолбасшысының орынбасары жанар-жағармай материалдарын ұрлау күдігіне ілінді. Бұл туралы ҚР Сыбайлас жемқорлыққа қарсы іс-қимыл агенттігі 1-ші департаментінің аса маңызды істер жөніндегі тергеушісі Данияр Бигайдаров айтты, деп хабарлайды ҚазАқпарат.
Алматы, NEGE. «Қарағанды облыстық сыбайлас жемқорлыққа қарсы қызметі ҚР ҰҚК қызметкерлерімен бірлесіп, 2020 жылғы 1 тамызда жанар-жағармай материалдарын заңсыз иемдену арқылы мүлікті жымқырғаны үшін күдікке ілінген Қазақстан Республикасы Ұлттық гвардиясының 52859 әскери бөлімі өңірлік қолбасшылығының орынбасарын ұстады», - деді тергеуші. Оның атап өтуінше, қылмыстық іс бойынша сотқа дейінгі тергеу жүріп жатыр. Тергеу мүддесіне байланысты өзге ақпарат жария етілмейді.