Ұлттық экономика вице-министрі Ілияс Өсеров қамауға алынды

Алматы, NEGE. Orda.kz хабарлағандай, Сыбайлас жемқорлыққа қарсы іс-қимыл агенттігі І.Өсеровке қатысты аса ірі көлемде алаяқтық жасады деген күдікпен сотқа дейінгі тергеу жүргізіп жатыр. 2019 жылы ол Алматыдағы коммуналдық мүлікті сауда-саттықсыз сатқан. Сот үкімімен тәркіленген 3 коттедж бен 2 пәтер жалған бағалау есебімен үлестес тұлғаларға арзан бағаға сатылған. Осылайша ол мемлекетке 819 миллион теңге залал келтіріп отыр. 

Ілияс Өсеров 2019 жылдың мамырынан 2022 жылдың наурызына дейін Алматы қаласы әкімінің орынбасары қызметін атқарған. Оған дейін 2015-2019 жж. Алматы қаласы Экономика және бюджеттік жоспарлау басқармасы бастығының орынбасары, бастығы болды.