Ұлттық банк 10 айда 648 трлн теңге транзакция жүргізді
Еліміздің Ұлттық банкі 10 айда төлем жүйесі арқылы 648 трлн теңгеге транзакция жүргізген. Бұл туралы, қаржылай реттеушінің баспасөз қызметіне сілтеме жасай отырып, ҚазТАГ агенттігі хабарлады.
Алматы. NEGE. «2019 жылғы он айда Ұлттық Банктің төлем жүйелері (Банкаралық ақша аудару жүйесі және Банкаралық клиринг жүйесі) арқылы 648,2 трлн теңгеге 34,3 млн транзакция өткізілді (2018 жылғы ұқсас кезеңмен салыстырғанда саны мен сомасы 3,2%-ға азайды). Бір күнде аталған төлем жүйелері арқылы орташа алғанда 3,2 трлн теңгеге 166,5 мың транзакция жүргізілді», - делінген сейсенбідегі ақпаратта.
2019 жылғы 1 қазандағы жағдай бойынша, ел аумағында 17 төлем жүйесі, оның ішінде Ұлттық Банктің төлем жүйелері, ақша аударымдары жүйелері, төлем карточкалары жүйелері жұмыс істейді.
