Ұлттық қауіпсіздік комитеті көкпардағы жанжалға қатысты мәлімдеме жасады
Ұлттық қауіпсіздік комитеті Қырғызстанның көкпар құрамасының ойыншысына қысым көрсетілді деген ақпаратқа қатысты пікір білдірді.
Алматы, NEGE. Әлеуметтік желіде Қазақстанның Ұлттық қауіпсіздік комитетінің қызметшісі қырғыз көпаршысына қысым көрсеткені туралы ақпарат тараған болатын.
«2024 жылғы 12 қыркүйекте БАҚ-та және әлеуметтік желілерде Қырғызстан құрамасының көкпар ойыншысына ҰҚК қызметкері қысым көрсеткені туралы ақпарат таралды. Бұл ақпарат шындыққа сәйкес келмейді. ҰҚК қызметкерлері 5-ші Дүниежүзілік көшпенділер ойындарын өткізу барысында қоғамдық тәртіпті қамтамасыз етуге қатысқан жоқ. Тек ресми ақпарат көздеріне сенуге шақырамыз», - делінген хабарламада.
Естеріңізге сала кетейік, Астанада өтіп жатқан Дүниежүзілік Көшпенділер ойынында көкпардан финалда кездескен қазақ пен қырғыз көкпаршылары төбелесіп қалған болатын.