Ұлттық банк базалық мөлшерлемені 18% деңгейінде сақтап қалды
Ұлттық Банктің ақша-кредит саясаты комитеті базалық мөлшерлемені +/- 1 пайыздық пункт дәлізімен жылдық 18,0% деңгейінде сақтау туралы шешім қабылдады.
Астана, NEGE. Ведомства мәліметінше, жылдық инфляция қазанда 12,6% болды (қыркүйекте – 12,9%).
Азық-түлік тауарлары бағасының өсуі 13,5%-ға (12,7%) және азық-түлікке жатпайтын тауарлар бағасының өсуі 11%-ға (10,8%) дейін қарқын алды. Қосымша әсерге тарифтік реформаның және жанар-жағармай нарығын ырықтандыру әсерінің бағалар мен инфляциялық күтулерге таралуы қосымша әсер еткен.
Халықтың инфляциялық күтулері қазанда қыркүйектегі 13,2%-ға қарағанда 13,6%-ға дейін өсті. Мұндай жоғары инфляциялық күтулер дезинфляция қарқынын шектеп, бағалардың шығын мен сұраныстың өзгеруіне тәуелділігін күшейтеді.
Инфляцияның 2025 және 2026 жылдарға болжамы қайта қаралды. 2025 жылы инфляция 12,0-13,0%, 2026 жылы 9,5-12,5% шегінде күтіледі. 2027 жылдың қорытындысы бойынша ол 5,5-7,5%-ға дейін баяулайды деп күтіледі. Болжамды түзету биылғы инфляцияның іс жүзіндегі мәні болжамды мәндерден едәуір асып кетуіне және инфляциялық күтулердің жоғары динамикасына негізделеді, – делінген банк хабарламасында.
Сондай-ақ, ведомства 2025 жылы Қазақстан экономикасының өсу болжамы 6,0-6,5%-ға дейін жақсаратынын айтты.