Ұлттық банк базалық мөлшерлемені 18% деңгейінде сақтап қалды
Ұлттық банк базалық мөлшерлемеге қатысты қабылданған шешімді жариялады.
Астана, NEGE. Орталық банктің Ақша-кредит саясаты комитеті базалық мөлшерлемені +/- 1 п.т. дәлізімен жылдық 18% деңгейінде белгілеу туралы шешім қабылдаған.
«Инфляциялық үдерістердің серпіні және тәуекелдер теңгерімі Ұлттық банктің болжамы мен бағалауына сай қалыптасып отыр. Бұл ретте сыртқы сын-қатерлер, салық жүйесіндегі өзгерістердің ықпалы қаншалықты болатынына қатысты белгісіздік, сондай-ақ осы жылғы екінші тоқсаннан бастап ТКҚ тарифтері мен ЖЖМ бағасының қайта өсу параметрлері базалық мөлшерлемені белгілеуде байыпты әрі сақ ұстанымды қажет етеді», – делінген ресми ақпаратта.
Банк өкілдері осыған байланысты базалық мөлшерлеменің 2026 жылғы бірінші жартыжылдық соңына дейін қазіргі деңгейде сақталу ықтималдығы жоғары екенін атап өткен.
Ұлттық банктің мөлшерлеме бойынша кезекті жоспарлы шешімі 2026 жылғы 6 наурызда жарияланады.