Ұлытау облысына жаңа әкім тағайындалды
Мемлекет басшысы Қасым-Жомарт Тоқаевтың жарлығымен Есет Байкен Ұлытау облысының әкімі лауазымына тағайындалды, деп хабарлайды Ақорда.
Астана, NEGE. Есет Байкен 1986 жылы Қарағанды облысында дүниеге келген.
Қазақ гуманитарлық-заң университетінде «Қаржы» мамандығы бойынша орта арнаулы және жоғары білім алған. Сондай-ақ Е.А. Бөкетов атындағы Қарағанды мемлекеттік университетін «Құқықтану» мамандығы бойынша тәмамдаған.
Еңбек жолын Астана қаласының Экономика және бюджеттік жоспарлау басқармасында жетекші маман болып бастаған.
Әр жылдары Президент Әкімшілігінде сарапшы, мемлекеттік инспектор болып қызмет атқарған, сондай-ақ Қарағанды облысы Нұра ауданын, Астана қаласы Сарыарқа ауданының әкімі, Нұр-Сұлтан қаласы әкімі аппаратын басқарған.
2022 жылдан осы тағайындауға дейін Астана қаласы әкімінің орынбасары лауазымын атқарып келді.
